5 noyabr 2024-cü il tarixində F.Köçərli Respublika Uşaq Kitabxanasının 2 saylı filialı və M.Yusifov adına 265 saylı orta məktəbin birgə əməkdaşlığı çərçivəsində IX sinif şagirdləri ilə “Zəfər nəğməsi Şuşa” adlı tədbir keçirilib.

Tədbirdə kitabxana əməkdaşı 30 il soydaşlarımızın torpaq həsrəti, Şuşanın işğaldan azad olması, 2020-ci ildə Vətən müharibəsində Azərbaycan silahlı qüvvələrinin əzmkar döyüşü və Şuşa şəhərinin qürür simvolu olması haqqında məlumat verib.

Məktəbin IX sinif şagirdləri Şusa şəhərinin yolunda canlarını fəda edən Milli Qəhrəmanlardan və onların keçdiyi şərəfli həyat yolundan bəhs ediblər. 

Tarixi Zəfərimizdən 4 il keçir. Şanlı qələbə hər birimizdə böyük sevinc və qürur hissi yaşadıb. 

Tədbirin keçirilməsində məqsəd şagirdləri vətənpərvərlik ruhunda tərbiyə etmək, Vətənə məhəbbət, sevgi hisslərini aşılamaqdır.