26 fevral tarixində Binəqədi rayon 143 saylı tam orta məktəbdə Respublika Uşaq Kitabxanasının 3 saylı filialının iştirakı ilə Xocalı soyqırımına həsr olunmuş “Xocalı Soyqırımını- Unutmayaq Unutdurmayaq” adlı tədbir keçirilib. Tədbirdə kitabxana əməkdaşları, müəllim kollektivi və şagirdlər iştirak edib.

Tədbir Xocalı qurbanlarının əziz xatirəsini 1 dəqiqəlik sükutla yad edilməsi ilə başlanıb. Məktəbin direktoru tədbir iştirakçılarına Xocalı soyqırımı haqqında geniş məlumat verib. Tədbirdə şagirdlər öz çıxışlarında faciəni əks etdirən şeirlər və bədii kompozisiya təqdim ediblər. Daha sonra “Xocalı nişanəsi” adlı videoslayd nümayiş olunub. 

Tədbirin keçirilməsində əsas məqsəd Xocalı soyqırımını unutmamaq və unutdurmamaqdır!