14 aprel tarixində Respublika Uşaq Kitabxanasında Azərbaycan mədəniyyət işçisi, tarix üzrə fəlsəfə doktoru İradə Əlili ilə görüş keçirilib. 

Görüşdə Sübhnur Tədris Mərkəzinin bir qrup şagird və valideynləri iştirak edib. Tədris Mərkəzinin rəhbəri G.Hüseynova tədbiri açaraq görüşdə iştirak edən valideyn və şagirdləri, gələn qonaqları salamlayaraq ölkəmizdə uşaqların dövlət qayğısı ilə əhatə olunduğunu diqqətə çatdırıb. 

 Tədbirdə çıxış edən Azərbaycan Yazıçılar Birliyinin üzvü, tarix üzrə fəlsəfə doktoru İradə Əlili uşaqları salamlayaraq öz yazdığı hekayələrdən danışıb, bir birindən gözəl şeirlərini səsləndirib. Uşaqlar kitabxanaya üzv olaraq istədikləri kitabları əldə ediblər. Tədbirin sonunda G.Hüseynova yazıçı İradə Əliliyə təşəkkürnamə təqdim edərək, tədbirdə iştirakı  üçün minnətdarlığını bildirib.  

Daha sonra tədbir iştirakçıları Respublika Uşaq Kitabxanasının şöbələri, kitab fondu, oxu zalları, həmçinin “Göy qurşağı” uşaq jurnalının yeni nömrələri ilə yaxından tanış olublar. Sonda xatirə şəkilləri çəkilib.