6-10 may 2024-cü il tarixlərində F.Köçərli adına Respublika Uşaq Kitabxanasına “Ana Məktəb” uşaq bağçası, 71 nömrəli və digər ümumtəhsil məktəblərinin şagirdlərinin ekskursiyası təşkil ounub. Həmçinin məktəblilərə ucadan oxumaq üçün müxtəlif maraqlı nağıl kitabları təqdim edilib, sinifdən xaric oxu üçün müxtəlif məzmunlu yeni uşaq ədəbiyyatları haqqında ətraflı məlumat verilib. Ekskursiya zamanı məktəblilər kitabxanada yeni uşaq ədəbiyyatı nümunələri ilə tanış olublar. Kitabxana əməkdaşları şagirdlərə Firidun bəy Köçərlinin "Balalara hədiyyə” kitabı haqqında məlumat verdikdən sonra, ədibin həyat və yaradıcılığını əks etdirən videoslayd təqdim edilib.

Ekskursiyanın keçirilməsində əsas məqsəd mütaliəni ətraf dünya ilə qarşılıqlı təsir üsulunu və öz emosiyalarını başqa insanlara söz vasitəsilə çatdırmaq imkanını yeni nəsilə düzgün şəkildə ötürməkdir.