24 fevral tarixində Respublika Uşaq Kitabxanasının 3 saylı filialının təşkilatçılığı ilə H.Cəbrayılov adına 99 saylı orta məktəbdə Xocalı soyqırımına həsr olunmuş “Xocalı harayı” adlı tədbir keçirilib.

Tədbir Azərbaycan Respublikası Veteranlar Təşkilatı, ehtiyyatda olan Palkovnik  Adil Haqqverdiyev, birinci Qarabağ müharibəsi iştirakçısı, Azərbaycan Yazıçılar İttifaqının üzvü Zakir Əliyev, məktəblilər, müəllimlər və digər qonaqların iştirakı ilə baş tutub.

İlk öncə müstəqilliyimiz uğrunda canlarını qurban vermiş şəhidlərin və Xocalı qurbanlarının əziz xatirəsi bir dəqiqəlik sükutla yad edilib.Daha sonra şagirdlər Xocalı faciəsinin ağrılarını, düşmənə qarşı nifrət hissini vətənpərvərlik ruhunda səhnələşdirdikləri ədəbi-bədii kompozisiyalarda ifadə ediblər. 

Sonda “Xocalı-uşaqlı, cavanlı, qocalı unutmayacağıq” adlı video çarx tədbir iştirakçılarına təqdim olunub.

Tədbirin keçirilməsində məqsəd Xocalı soyqırımını unutmamaq, nəsildən-nəslə ötürülərək yaddaşlarda yaşatmaqdan ibarətdir.