31 may tarixində F. Köçərli adına Respublika Uşaq Kitabxanasının təşkilatçılığı ilə Y. Kovalyov adına 229 №-li məktəbdə poeziyamızın görkəmli siması, Xalq şairi Vahid Əzizin “Param-parça illər” adlı kitabının təqdimat mərasimi keçirildi. Şairin  “Param-parça illər” adlı kitabına Qarabağ müharibəsi dövründə yazmış olduğu şeirlər və “Heyrət səcdəsi” adlı poeması daxil edilmişdir. Tədbirdə iştirak edən  məktəbin 7-ci sinif şagirdləri şairlə kitabda yazılan şeirlər ətrafında müzakirələr apardılar. Məktəbin fənn müəllimləri öz çıxışlarında Vahid Əziz yaradıcılığına münasibətlərini bildirdilər. Daha sonra şagirdlər şairin sözü gedən kitabından şeirlər səsləndirdilər, həmçinin sözləri Vahid Əzizə məxsus olan mahnılar ifa etdilər. Poetik görüşdə F. Köçərli adına Respublika Uşaq Kitabxanasının əməkdaşları çıxış etdilər. Tədbirin yekununda şair ilə xatirə fotosu çəkildi.