20 may tarixində Bakı şəhəri, Nəsimi rayonundakı 46 saylı tam orta məktəbin 3-cü sinif şagirdləri Respublika Uşaq Kitabxanasında oldular. Məktəbin şagirdlərinə  maarifçi, pedaqoq, uşaq folklor antologiyasının banisi Firidun bəy Köçərlinin həyat və yaradıcılığı haqqında geniş məlumat verildi. F. Köçərlinin uşaqlar üçün yazdığı “Balalara hədiyyə” kitabından nağıllar, məsəllər, yanıltmaclar oxundu. Tədbirin davamında məktəblilər kitabxananın fəaliyyəti, ondan istifadə qaydaları, kitab sərgiləri və  elektron məlumat bazası haqqında ətraflı məlumat aldılar. Balaca məktəbliləri maraqlandıran bütün sualları kitabxana əməkdaşı cavablandırdı. Kitabxana ekskursiyaya gələn hər uşağın marağına səbəb oldu. Məktəblilər kitabxanadan xoş təəssüratlarla ayrıldılar.