3 iyun tarixində F. Köçərli adına Respublika Uşaq kitabxanasının 2 saylı filialının əməkdaşları 194 saylı məktəblə birgə  "Təbiət onu sevənlərindir" adlı tədbir keçirdi. Tədbirin keçirilməsində məqsəd təbiəti qorumağın, mühafizə  etməyin, onun flora və faunasına can yandırmağın hər birimiz üçün vacib olduğunu məktəbli oxuculara çatdırmaqdır. Tədbirdə müxtəlif yaş qrupundan olan uşaqlar təbiətlə baglı şeirlər söylədilər, rəqs etdilər. Tədbirin aparıcısı  iştirakçılara “Ümumdünya Ətraf Mühitin Mühafizəsi Günü”nün yaradılması haqqında geniş məlumat verdi və ekologiyanın qorunması məqsədilə şagirdləri ətraf mühitə qarşı diqqətli olmağa çağırdı.