Firidun bəy Köçərli adına Respublika Uşaq Kitabxanası Koronavirus (COVİD-19) infeksiyası ilə əlaqədar ölkə ərazisində tətbiq olunmuş karantin rejimi günlərində oxucularını clb.az  saytında etdiyi yeniliklərlə sevindirməyə davam edir. Uşaqlar kitabxananın internet ünvanına əlavə edilən bu link (http://usaqkitabi.az/four-columns-2/) vasitəsi ilə evdə olduqları zamanı mütaliə edərək daha səmərəli keçirə bilərlər. Layihə Firidun bəy Köçərli adına Respublika Uşaq Kitabxanası, Azərbaycan Respublika Gəncliyə Yardım Fondu və Türk İşbirliği ve Koordinasyon Ajansının (TİKA) birgə təşkilatçılığı ilə həyata keçirilmişdir. Sayt uşaq ədəbiyyatının toplandığı elektron kitabxana olaraq Azərbaycanda uşaqların bir-birindən maraqlı kitablara olan ehtiyaclarını qarşılamaq və bu kitabların istifadəsini asanlaşdırmaq məqsədi ilə qurulmuşdur. Oxucular saytda olan müxtəlif bölmələr vasitəsi ilə hekayələr, şeirlər, romanlar, biri-birindən maraqlı kitablar, səsli kitablar və həyata keçirilmiş layihələrlə tanış olma imkanı əldə edəcəklər. Saytda yer alan 40-a yaxın elektron kitablar həm tam mətinli həm də audio variantda yerləşdirilmişdir. Belə ki, oxucular həmin sayta daxil olarkən, kitabları pdf variantda oxumaq və ya səsli formada dinləmək şansları var.