Yanvarın 16-da F.Köçərli adına Respublika Uşaq Kitabxanasının xidmət şöbəsinin əməkdaşları Binəqədi rayonu 138 saylı uşaq bağçasının məktəbəqədər yaş qrupu ilə 20 yanvar hadisələri ilə bağlı “Şəhidləri unutmayaq” adlı söhbət təşkil etdi. Uşaqlara həmin günün mahiyyətindən danışıldı, kitablar göstərildi və qeyd edildi ki, bu tarixi unutmamaq, 20 yanvar şəhidlərini hörmətlə anmaq hər bir azərbaycanlının müqəddəs borcudur. Uşaqlar söhbəti dinlədikdən sonra hazırladıqları şeir parçalarını söylədilər.