Aprelin 12-də Firidun bəy Köçərli adına Respublika Uşaq Kitabxanası və “3 alma” nəşriyyatının birgə təşkilatçılığı ilə reallaşan “Məktəblilərin gənc Şerloku” rəsm müsabiqəsinin qaliblərinin mükafatlandırma mərasimi keçirildi. Tədbir, “LİBRAFF” kitab mağazasında baş tutdu. Tədbirdə, kitabxananın elmi işlər üzrə direktor müavini Zahirə Dadaşova çıxış edərək müsabiqənin qaliblərini təbrik etdi və onlara uğurlarının davamlı olmasını arzuladı. Müsabiqənin qaliblərindən: 1-ci yerin qalibinə yaşının 2 misli qədər kitab, 2-ci yerin qalibinə 14 kitab, 3-cü yerin qalibinə isə 7 kitab hədiyyə edilib. Tədbirdə, uşaq yazıçılarından Reyhan Yusifqızı, şagirdlər, pedaqoqlar, valideynlər və.s qonaqlar iştirak edirdilər. Qeyd edək ki, müsabiqənin keçirilməsində əsas məqsəd kitab və mütaliyə olan marağı artırmaq və istedadlı uşaqları üzə çıxarmaq idi.