Noyabrın 14–də, F.Köçərli adına Respublika Uşaq Kitabxanasının əməkdaşları “Məktəblinin dostu” layihəsi çərçivəsində, Xətai rayonunda yerləşən Tahir Bağırov adına 59 nömrəli tam orta məktəbdə keçirilən “Kitabla davranış mədəniyyəti” adlı tədbirdə iştirak etdilər. Tədbirdə, məktəbin 4-cü sinif şagirdləri və müəllim kollektivi iştirak edirdilər. Tədbir, “Balaca ev” adlı cizgi filminin izlənilməsi ilə başladı. Kitabxananın direktoru, Əməkdar mədəniyyət işçisi Şəhla Qəmbərova çıxışında, uşaqlara kitab və kitabxananın əhəmiyyəti barədə geniş məlumat verdi. Həmçinin, uşaqların bütün suallarını cavablandırdı. Tədbir çərçivəsində, kitabxananın əməkdaşları şirma nağıl kitabının köməyi ilə rus nağılı olan “Qoğal” nağılını, Əl teatrı ilə “İki ayı balası” nağılını və uşaqların iştirakı ilə “Turp” nağılını səhnələşdirdilər. Sonda, uşaqlara kitabxananın təsis etdiyi “Göy Qurşağı” uşaq jurnalı və kitablar hədiyyə edildi.