Fevralın 3-də Bakıxanov qəsəbəsində yerləşən 252 saylı məktəb-liseyin I sinif şagirdləri kitabxanamıza ekskursiya etdilər. Nağıl otağında uşaqlara 3D formatda hazırlanmış “Cırtdan”, “Qaraca qız”, “Məlikməmməd” nağılları danışıldı. Oxunan nağıllar üzərində maraqlı müzakirələr aparıldı. Balacalara “Əli və Güllü, bir də Durna quşunun nağılı” və “Balaca ev” cizgi filmləri göstərildi. Daha sonra kiçik oxu zalında “Danışan kitablar”la, qeyri-adi formalı – panoramalı, səsli düymələrlə idarə olunan, parçadan hazırlanmış və s. kitablarla tanış oldular. Balaca fidanlar xoş təəssüratla kitabxanadan ayrıldılar.