F.Köçərli adına Respublika Uşaq Kitabxanasında, Azərbaycan Yazıçılar Birliyinin üzvü, tərcüməçi, şair Vahid Əzizlə kitabxanaçılıq- informasiya fakültəsinin tələbələri arasında görüş keçirildi. Əvvəlcə tədbir iştirakçıları kitabxananın foyesində şairin yaradıcılığını əks etdirən kitab sərgisi ilə tanış oldular. Tədbiri giriş sözü ilə F.Köçərli adına Respublika Uşaq Kitabxanasının direktoru Ş.Qəmbərova açaraq şair Vahid Əzizi və iştirakçıları salamladı. O, şairin Azərbaycan poeziyasında əvəzolunmaz yeri olduğunu qeyd etdi. Görüşdə, tələbələrin böyük həvəslə hazırladığı şairin həyatının müxtəlif mərhələlərində qələmə aldığı əsərləri haqqında olan sualları məmnuniyyətlə cavablandıran şair, gənclərə həyata daima ümidlə baxmağı tövsiyə etdi. Disskusiya formasında keçən tədbir, şairin öz ifasında ən çox sevilən və seçilmiş əsərlərin səslənməsi ilə davam etdi. Görüşün sonunda, şair ən xoş arzularla imzaldığı kitabını kitabxanaya və tələbələr hədiyyə etdi. Görüş xatirə şəkillərinin çəkilişi ilə başa çatdı.