1 iyun 2018-ci il tarixində F.Köçərli adına Respublika Uşaq Kitabxanası 1 iyun Uşaqların Beynəlxalq Müdafiəsi Günü ilə əlaqədar Megastar uşaq bağçası ilə birgə növbəti tədbiri keçirdi. Tədbirdə müxtəlif yaş qrupuna aid uşaqlar, valideynlər, bağçanın eləcə də, kitabxananın əməkdaşları iştirak edirdi. Tədbir çərçivəsində azyaşlı uşaqların ifasında maraqlı rəqs kompozisiyaları və şeirlər təqdim edildi. Peşəkar sehrbazın ifasında göstərilən rəngərəng foks-illüziya şou isə uşaqların maraq və heyrətinə səbəb oldu. Tədbirdə kitabxananın əməkdaşı uşaqları bayram münasibətilə ürəkdən təbrik edib, onlara xoş arzularını bildirdi və uşaqların hər birinə kitabxana tərəfindən təsis edilən “Göy qurşağı” uşaq jurnalı hədiyyə etdi. Qeyd edək ki, tədbirdə azyaşlı uşaqların maraq dairəsinə uyğun zəngin kitab sərgisinin təşkili bütün tədbir iştirakçılarının diqqətini cəlb etdi.Tədbir xatirə şəkillərinin çəkilişi ilə başa çatdı.