12 sentyabr 2017-ci il tarixində F.Köçərli adına Respublika Uşaq Kitabxanasının   2 saylı filialı 21 avqust – 21 sentyabr Beynəlxalq Sülh aylığı çərçivəsində Xətai rayon 222 saylı uşaq bağçasında kiçik yaşlı oxucularla “Sülh göyərçinləri ” başlığı altında rəsm müsabiqəsi təşkil etdi. Sülh rəmzi olan ağ göyərçinlər gələcəyimiz olan uşaqların firçasında günəşli gün, gözəl açılmış çiçəklər, sakit axan bulaqlar, aylı gecə kimi öz əksini tapdı. Tədbirin sonunda bütün uşaqlar uşaq yazarı G.İbrahimovanın “Sülh nəğməsi”ni , Rəşid Şəfəqin “ Göyərçinik biz” nəğməsini ifa etdilər. Tədbirdə fəal iştirak edən balaca oxuculara kitabxananın təsis etdiyi “Göy Qurşağı” uşaq jurnalı hədiyyə edildi.