28 aprel 2017-ci il tarixində saat 15:00 da Gənc Tamaşaçılar Teatrında F.Köçərli adına Respublika Uşaq Kitabxanasının təşkilatçılığı ilə Nizami rayon Uşaq Gənclər Yaradıcılıq Mərkəzi ilə birgə hazırladıqları “Cırtdan və dostları” adlı nağıl- tamaşa göstərildi. Teatrın foyesində dünya xalqlarının nağıllarından ibarət kitab sərgisi və istetdadlı uşaqların müxtəlif dünya xalqlarının nağıllarına çəkdikləri rəsm əsərləri və əl işlərindən ibarət sərgi təşkil edilmişdi. Keçirilən nağıl-tamaşanın əsas məqsədi uşaqlara qayğı göstərmək, onların mənəvi sağlamlığını düşünməklə dövlətimizin gələcəyi naminə düzgün maarifləndirmək, uşaqların ədəbiyyata folklorumuza, nağıllarımıza və mütaliəyə olan maraqlarını artırmaqdır.Tədbirdə UNİSEF-in Azərbaycandakı nümayəndəliyinin rəhbəri Edvard Karvandin, Rusiya Mədəniyyət və İnformasiya Mərkəzinin əməkdaşları, Nəsimi rayon İcra Hakimiyyətinin nümayəndələri, Təhsil Nazirliyinin əməkdaşları, balacaların sevimli yazıçılarından: Sevinc Nuruqızı, Gülzar İbrahimova, Aygün Bünyadzadə, Elvira Məmmədli və Xalq rəssamı Arif Hüseynov iştirak etdilər.Tamaşa boyu Cırtdan və onun dostları nağıl persanajları ilə görüşdülər və müxtəlif dövlətlərin rəqsləri nümayiş olundu. Səhnənin rəngarəng dekarasiyası və işıqları kiçik yaşlı tamaşaçılarımıza böyük zövq və əhval-ruhiyyə bəxş etdi.Tamaşanın sonunda F.Köçərli adına Respublika Uşaq Kitabxanasının direktoru, əməkdar mədəniyyət işçisi Şəhla Qəmbərova, Nizami rayon Uşaq və Gənclər Yaradıcılıq Mərkəzinin direktoru Qəti Lalə uşaqlara öz ürək sözlərini çatdırdılar. Tədbir KİV vasitəsilə işıqlandırıldı.