19 yanvar 2017- ci il tarixində F. Köçərli adına Respublika Uşaq Kitabxanasının 1 saylı filialının əməkdaşları Xəzər rayonundakı 326 saylı tam orta məktəbin şagirdləri ilə birgə Şəhidlər Xiyabanına ziyarət təşkil etdilər. 326 saylı tam orta məktəbin şagirdləri şəhidlərin məzarları üzərinə qərənfillər qoydular. Ziyarətdən sonra şagirdlər məktəbin foyesində F. Köçərli adına Respublika Uşaq Kitabxanasının 1 saylı filialının əməkdaşları tərəfindən təşkil edilən 20 yanvar faciəsindən bəhs edən kitablar, rəsm əsərləri və dövrü mətbuatdan ibarət sərgi ilə tanış oldular.Daha sonra isə şagirdlər ilə birgə məktəbin akt zalında “ 20 Yanvar ümumxalq hüzn günü” münasibəti ilə tədbir davam etdirildi. Tədbir Azərbaycan Respublikasının Dövlət himni və şəhidlərin ruhunun bir dəqiqəlik sükutla yad edilməsi ilə başlandı. Tədbiri giriş sözü ilə məktəbin təlim- tərbiyə işləri üzrə direktor müavini Yasər Nədirov açaraq,  şagirdlərə 20 yanvar faciəsi haqqında geniş məlumat verdi. Tədbirdə 20 yanvar şəhidlərinə həsr olunmuş şeirlər, kompozisiyalar səsləndirildi, video- çarx və uşaqların təqdimatında səhnəcik nümayiş olundu.Tədbir F. Köçərli adına Respublika Uşaq Kitabxanasının direktoru Şəhla Qəmbərovanın çıxışı ilə sona çatdı.