10 Mart 2017- ci il tarixində Xətai rayonunda yerləşən 245 saylı tam orta məktəbin 4-cü, Nəsimi rayonu 36 saylı məktəbin 1- ci və Xəzər rayonunda yerləşən 156 saylı məktəbin 1- ci və 3-cü sinif şagirdləri F.Köçərli adına Respublika Uşaq kitabxanasına ekskursiya etdilər. Kitabxananın elmi işlər üzrə direktor müavini Zahirə Dadaşova və xidmət şöbəsinin mudiri Könül Niftiyeva uşaqları kitabxana ilə tanış etdi, kitabxanada təşkil olunmuş kitab sərgiləri, elektron kitabxana ilə bağlı məlumat verdi. Uşaqlar kitabxananın bütün şöbələrində oldular, kitabların kitabxana qaydası ilə işlənməsi, oxuculara verilməsi işi ilə yaxından tanış oldular. Sonra uşaqlar Nağıl otağında öz sevimli yazıçıları Gülzar nənədən “Qırmızıyanaqla Qırmızıpapağın nağılı” nı dinlədilər.Həmçinin, 36 saylı məktəbin balacaları nağıl otağında "Tıq-tıq xanımın nağılı" əsasında hazırladıqları tamaşanı səhnələşdirdilər. Kitabxana ekskursiyaya gələn hər bir uşağın marağına səbəb oldu . Məktəbin müəllim və şagird kollektivi kitabxanada tərtib olunan sərgilər ilə tanış oldular.