8 aprel tarixində Respublika Uşaq Kitabxanasına “Cihan” uşaq bağçasının azərbaycan və  rus bölməsinin məktəbə qədər qrupları həmçinin 317 saylı tam orta məktəbin 8-ci sinif şagirdləri ekskursiya ediblər.

Kiçikyaşlılar nağıl otağında nağılları dinlədikdən sonra maraqlı kitablarla  tanış olublar. Kitabxananın elmi işlər üzrə direktor müavini oxucularla müxtəlif uşaq əsərləri haqqında məlumat verdikdən sonra Firidun bəy Köçərli haqqında ətraflı məlumat verərək onun  Azərbaycan mədəniyyəti tarixində əvəzsiz   bir şəxsiyyət olduğunu bildirib. Daha sonra kitabxanada məktəbə qədər qrupun uşaqları cizgi filmini, məktəblilər isə uşaq filmlərini izləyiblər.

Ekskursiyanın keçirilməsində əsas məqsəd uşaqları kitabxana ilə tanış etmək və onlara kitabları sevdirməkdir.