26 fevral tarixində Binəqədi rayonu H.Cəbrayılov adına 99 saylı tam orta məktəbdə  Respublika Uşaq Kitabxanasının 3 saylı filialının birgə təşkilatçılığı ilə Xocalı soyqırımına həsr olunmuş “Azad Xocalı” adlı tədbir keçirilib.

Tədbir Azərbaycan Respublikası Veteranlar Təşkilatının, Binəqədi rayon icra hakimiyyətinin nümayəndələrin, məktəblilər, müəllimlər və kitabxana işçilərinin iştirakı ilə baş tutub.

İlk öncə müstəqilliyimiz uğrunda canlarını qurban vermiş şəhidlərin və Xocalı qurbanlarının əziz xatirəsi bir dəqiqəlik sükutla yad edilib. Tədbirdə iştirak edən nümayəndələr Xocalı soyqırımı haqqında ətraflı çıxışlar ediblər. Daha sonra şagirdlər Xocalı faciəsinin ağrılarını, düşmənə qarşı nifrət hissini vətənpərvərlik ruhunda səhnələşdirdikləri ədəbi-bədii kompozisiyalarda ifadə ediblər. Tədbirdə “Xocalı-uşaqlı, cavanlı, qocalı unutmayacağıq” adlı video çarx tədbir iştirakçılarına təqdim olunub. 

Tədbirin keçirilməsində məqsəd Xocalı soyqırımını unutmamaq, nəsildən-nəslə ötürülərək yaddaşlarda yaşatmaqdan ibarətdir.