7 noyabr tarixində F.Köçərli adına Respublika uşaq kitabxanasının 3 saylı filialı və Binəqədi rayonu 294 saylı körpələr evi-uşaq baxçasının birgə əməkdaşlığı çərçivəsində "Xarıbülbül ətirli qələbə" adlı tədbir keçirilib.3 saylı kitabxana-filial tərəfindən zalda ənənəvi kitab sərgisi təşkil olunub. İlk öncə uşaq bağçasının müdirəsi tədbir iştirakçılarını Zəfər Günü münasibətilə təbrik edib. Daha sonra kitabxananın əməkdaşı  yazıçı Humayun Sevincin "Xarıbülbül əfsanələri" adlı kitabı ilə uşaqları tanış edib. Tədbir uşaqların ifasında Azərbaycan Dövlət himninin səsləndirilməsi ilə başlanıb. Daha sonra şəhidlərimizin əziz xatirəsi 1 dəqiqəlik sükutla yad edilib. Məktəbəqədər qrupun uşaqları vətən, qələbə ruhlu şeirlər, mahnılar səsləndirib, "Bayraq", "Xarıbülbül", "Əsgərlər" rəqsləri ifa olunub. Tədbirin  balaca fidanlarla xatirə fotoları çəkilib.