3 Noyabr tarixində Firidun bəy Köçərli adına Respublika Uşaq Kitabxanasının 1 saylı filialının əməkdaşları və Binəqədi rayon N.Babayev adına 144 saylı orta məktəbin şagird kollektivi ilə birgə Zəfər gününə həsr olunmuş “Zəfər bizim zəfərdir” başlığı altinda tədbir keçirildi. Tədbirdə “Park” “Nişanlıların yola salınması”, “Əsgərlərin yola salınması”, “Xudayar təsnifi” səhnəcikləri nümayiş olundu. 6-cı sinifin şagirdləri mahnı və şeirlər səsləndirdilər. Məktəbin akt zalında şəhidlərin Həmidov İzzət, polkovnik-leytenant Ruslan Tağıyev, baş leytenant Abdullazadə Həsənağa, əskərlər Məmmədov Vüsal və Nicat Nəsibovun həyat və döyüş yoluna həsr olunmuş sərgi tərtib olundu. Tədbirdə şəhid ailələri, Bakı Şəhəri üzrə Təhsil İdarəsinin nümayəndəsi Rəsulova Sevinc, Binəqədi rayon İcra Hakimiyyətinin İctimai-Siyasi və Humanitar məsələlər şöbəsinin baş məsləhətçisi Amal Əsgərov, Yasamal rayon 176 saylı orta məktəbin müdiri Ceyhun Bayramlı, XTQ qazisi Şuşa fatehi Hacızadə Ağa və digər qonaqlar iştirak etdilər.