F. Köçərli adına Respublika Uşaq Kitabxanasında “Məktəblilərin gənc Şerloku” rəsm müsabiqəsinin qaliblərinin seçim turu başa çatdı. Respublika Uşaq Kitabxanası və “3 alma” nəşriyyatının keçirdiyi bu layihə çərçivəsində məktəblilər “Gənc Şerlok” seriyasına aid kitablardan birini oxuyub rəsm çəkməli və kitab haqda qısa təssüratlarını yazmalı idilər. Müsabiqədə müxtəlif məktəblərin şagirdləri iştirak edib. Seçim prosesində Rəssamlıq Akademiyasının müəllimi, rəssam Vəfa Allahyarova, kitabxana və nəşriyyatın əməkdaşları iştirak edib. Təqdim olunan 50-yə yaxın rəsm işlərinin içindən ilk 3 yerin qalibləri müəyyən olunub. Rəsm müsabiqəsinin qaliblərinin adları 12 aprel saat 1500-da “LİBRAFF” kitab mağazasında keçirilən tədbirdə elan olunacaq. Müsabiqənin keçirilməsində əsas məqsəd kitab və mütaliyə olan marağı artırmaq və istedadlı uşaqları üzə çıxarmaqdır.