04 dekabr 2018- ci il tarixində, Azərbaycan Respublikası Mədəniyyət Nazirliyinin dəstəyi, F.Köçərli adına Respublika Uşaq Kitabxanasının təşkilatçılığı ilə, Azərbaycan Milli kitabxanasında,”Mir Mehdi Seyidzadə biblioqrafiya” kitabı və Mir Mehdi Seyidzadə elektron məlumat bazasının təqdimat mərasimi keçirildi. Tədbirdə, uşaq yazıçıları, tədqiqatçı alimlər, media nümayəndələri, Mir Mehdi Seyidzadənin ailə üzvləri kimi bir çox qonaqlar da, iştirak edirdilər. Tədbiri giriş sözü ilə, F.Köçərli adına Respublika Uşaq Kitabxanasının direktoru Ş.Qəmbərova açdı. Ş.Qəmbərova çıxışında, qeyd etdi ki, ədibin ədəbi-ictimai fəaliyyətini tam şəkildə əks etdirən bu fundamental biblioqrafik göstərici 1925- 2017- ci illərdə dərc olunan materialları əhatə edir. Göstərici dörd hissədən ibarətdir:Biblioqrafik vəsait geniş oxucu kütləsi, tələbələr, tədqiqatçı- alimlər, kitabxanaçılar və.s üçün nəzərdə tutulmuşdur. Çıxışçılardan Azərbaycan Respublikası Mədəniyyət Nazirliyinin kitab dövriyyəsi və nəşriyyatlarla iş şöbəsinin müdiri Aslan Cəfərov, tədqiqatçı- alim pr. Vaqif Yusifli, pr. Alxan Bayramoğlu, uşaq yazıçıları Zahid Xəlil, Qəşəm İsabəyli və digər qonaqlar Mir Mehdi Seyidzadə yaradıcılığı haqqında geniş və ətraflı məlumat verdilər. Biblioqrafik kitabın ön söz müəllifi əməkdar mədəniyyət işçisi, professor Rafiq Yusifoğlu, rəy: pedaqogika üzrə fəlsəfə doktoru əməkdar jurnalist Qafar Əsgərzadə, redaktor: Gülbəniz Səfərəliyeva, Tərtibçilər: Əməkdar mədəniyyət işçisi Nazilə Tahirova, Leyla Qafarova, Tünzalə Əzizova. Tədbirin 2- ci hissəsində tədbir iştirakçılarına Mir Mehdi Seydzadə elektron məlumat Bazası təqdim edildi. Tədbirin musiqili qonağı əməkdar artist Firuz Səxavətin ifasında ədibin sözlərinə bəstələnmiş mahnılar ifa olundu. Mir Mehdi Seyidzadənin ailə üzvləri tədbir haqqında öz fikirlərini ifadə edərək, tərtibçilərə və təşkilatçılara minnətdarlıqlarını bildirdilər. Sonda, tədbir iştirakçılarına kitab hədiyyə edildi və xatirə şəkilləri çəkildi.