22 oktyar 2017-cı il tarixində Britaniya kollecinin məktəbəqədər sinifləri kitabxanamıza ekskursiya etdilər. Balacalar kitabxana qaydaları ilə tanış oldu, onlara kitabın insan həyatında böyük əhəmiyyət kəsb etdiyi məqamlar haqqında geniş məlumat verildi. Nağıl otağında “Turp”, “Şəngülüm,Şüngülüm” nağılı oxundu, “Balaca ev”cizgi filmi göstərildi. Oxunan nağıllar üzərində maraqlı müzakirələr aparıldı. Uşaqlar Nağıl otağının divarlarından asılmış Azərbaycan nağılları əsasında özlərinin yeni nağıllarını danışdılar. Ekskursiya iştirakçılarının hər birinə kitabxananın təsis etdiyi “Göy qurşağı” uşaq jurnalı hədiyyə edildi.