14 fevral 2017-ci il tarixində saat 15:00- da “Park Bulvar” alış-veriş mərkəzində F.Köçərli adına Respublika Uşaq Kitabxanasının təşlkil etdiyi 14 Fevral Beynəlxalq Kitab Bağışlanma Gününə həsr olunmuş “Kitab tutan əllər” adlı aksiya keçirildi. Aksiya Nizami rayon Uşaq Yaradıcılıq Mərkəzinin “Azəri inciləri” rəqs qrupunun ifasında “Kitab tutan əllər” fleşmob rəqsi ilə açıldı.”TEAS Press”, “Altun” nəşriyyatları da aksiyaya qoşularaq tədbirdə fəal iştirak etdilər.Uşaq yazarlarından Aygün Bünyadzadə,Gülzar İbrahimova,Reyhan Yusif qızı və s. öz kitablarına imza atmaqla uşaqları sevindirdilər.Uşaqlar ilə birgə tədbirdə iştirak edən ata-ana, baba-nənələr də yaddan çıxmamışdı.Belə ki, “Köhnə kitablarımız onları oxuyanlar üçün yenidir” adlı sərgidə sərgilənən kitablar öz yaş qrupuna aid olan oxuculara hədiyyə edildi.Aksiyada bir çox dillərdə uşaq ədəbiyyatı və bütün sahələr üzrə kitablar təqdim olundu. Aksiyanın əsas məqsədi gənc nəslə mədəni xidmət göstərmək, kiçik yaşlı oxucuların mütaliəsinə düzgün yanaşmaq, məktəbli oxucuların mütaliə mədəniyyətini yüksəltmək, onlarda vətənpərvərlik, cəsurluq, ləyaqət və bu kimi ülvi hissləri tərbiyə etməkdir.Ümumilikdə aksiya iştirakçılarına 1200-dən çox kitab,kitabça və uşaq jurnalları hədiyyə edildi.Keçirilən tədbir iştirakçılar tərəfindən böyük maraq və rəğbətlə qarşılandı.